ROUEN ATKINSON Laqabi: Janob Bin Tug`ilgan sanasi: 1955-yil, 6-yanvar Tug`ilgan joyi: Angliya Oilaviy ahvoli: uylangan, ikki farzandi bor Kasbi: Injener-elektrik So`nggi filmi: «Janob Bin dam olishda emas» (2007-yil) Erishgan natijasi: Dam olish yo`nalishida eng yaxshi aktyor Haqiqiy ismi Emil Mondavarius bo`lgan Rouen Atkinson Oksford va Nyu-Kasldagi universitetni tamomlagan. Uni kasbi injener-elektrik edi. 1977-yilda Edinburg festivalida qatnashib, tanqidchilarning nazariga tushgan. Shuningdek u «BBC» telekanalidagi «9-soatlik bo`lmagan yangiliklar» serialining ham asoschisi. Bu dastur aktyorga «BBCda yil odami» unvonini taqdim etgan. 1981-yilda Atkinson Londondagi eng yosh shou aktyoriga aylandi. «Globus» teatridagi faoliyati Vest-End Teatr uyushmasi tomonidan «Yil komediya ustasi» nomini berilishiga sabab bo`ldi. 1983-yilda Richard Kertis ssenariysi asosida suratga olingan «Qora ilon» filmi «BBC» telekanali orqali namoyish etildi. Film Britaniya Akademiyasining uchta mukofotiga, «Eng yaxshi chet el filmi» yo`nalishida «Emmi» mukofotiga va uchta «ACE» mukofotiga loyiq topildi. Atkinson esa yana bir karra «BBCda yil odami» va qator mukofotlar egasiga aylandi. Ular qatorida «Dam olsh yo`nalishida eng yaxshi aktyor» mukofoti ham bor edi. Yangi shou Rouenga katta shuxrat keltirdi. Uni 1986-yilda Brodveyga taklif qilishdi. Keyinroq u o`z dasturi bilan Avstraliya, Yangi Zelandiya va Buyuk Britaniya bo`ylab turne uyushtirdi. 1988-yilda u ishtirokidagi sahna asari 6 oy davomida Vest End teatri sahnasida tushmadi.
Rouen Atkinson navbatdagi dasturi «Janob Bin» bo`ldi. Film «ITV» va «HBO» telekanallari uchun suratga olindi. «Janob Bin» haqidagi ilk film «Emmi» mukofotiga sazovor bo`ldi. Suratga olingan keyingi filmlar ham Janob Binga qator mukofotlarni «olib berdi». «Emmi», ikkita «BANFF» va «ACE» mukofotlari shular jumlasidandir. Filmni namoyish etish huquqini 200 dan ortiq davlatlar sotib oldi. «Janob Bin» haqidagi filmlar so`nggi o`n yillikda komediya janridagi yuqori reytingli film sanalib kelmoqda. 1995-yilda «Tayger Ekspert» kompaniyasi tomonidan suratga olish ishlari boshlangan «Ingichka ko`k chiziq» filmi shu kompaniya tomonidan suratga olingan komediyalarga boshchilik qilmoqda. Atkinson «Tayger Ekspert»ning direktorlar kengashi a`zosi hisoblanadi. «Ingichka ko`k chiziq» filmida Rouen inspektor Fouler obrazini yaratgan. Rouen faqatgina komediya ustasi hisoblanmasdan, bir qator badiiy filmlarda ham suratga tushgan. Ular qatoriga «Hech qachon hech qachon dema», «To`rt to`y va bitta aza», «Politsiya partuli - 2» kabi filmlarni kiritishimiz mumkin. «HBO» telekanali tomonidan namoyish etilgan «Dennis Jenningsni uchratish» filmi 1989-yilda «Eng yaxshi qisqa metrajli film» yo`nalishida «Oskar» mukofotiga loyiq topilgan. Aktyor «Qirol sher» multfilmiga ovoz berish jarayonida ham ishtirok etgan. aktyor «Jonny English» filmida bosh rolda suratga tushdi.